به گزارش خبرگزاری مهر به نقل از آوا، «عبدالله عبدالله»، رئیس شورای مصالحه افغانستان از برگزاری نخستین نشست کمیته رهبری این شورا در روزهای آینده خبر داده است.
عبدالله در پیامی که به مناسبت عید «قربان» منتشر شده، گفت: شورای عالی مصالحه ملی در مشورتی نزدیک با رهبری حکومت، رهبران جهادی – سیاسی و شخصیت‌های ملی تشکلات نهادهای رهبری شورای مصالحه ملی را نهایی کرده و در روزهای پیش‌رو نخستین نشست کمیته رهبری شورا برگزار می‌شود.
به گفته عبدالله عبدالله، شورای عالی مصالحه ملی تلاش دارد تا موانع بر سر راه آغاز این مذاکرات برداشته شود و مهم است تا میزان خشونت‌ها کاهش یابد و آتش‌بس دائمی برقرار شود.
رئیس شورای مصالحه ملی افغانستان در ادامه از آتش‌بس سه روزه در روزهای عید قربان توسط حکومت و گروه طالبان استقبال کرد و گفت: این اقدام در آستانه مذاکرات بین‌الافغانی گام مهمی برای اعتمادسازی و حسن نیت دوطرف می‌باشد.
نظر شما